-មហាវិទ្យាល័យ Regent's London
I. ស្ថានភាពទូទៅ
Regent's College London ជាមហាវិទ្យាល័យមួយត្រូវបានបង្កើតឡើងនៅឆ្នាំ១៩៨៤ ក្នុងគោលបំណងផ្តល់នូវកម្មវិធីសិក្សាបែបអន្តរជាតិ ហើយមានឯកទេសក្នុងការបណ្តុះបណ្តាលនិស្សិតលើមុខជំនាញគ្រប់គ្រងពាណិជ្ជកម្ម ទេសចរណ៍ ទំនាក់ទំនង ការផលិតខ្សែភាពយន្ត និងចិត្តវិទ្យា ព្រមទាំងមានការផ្តល់នូវវគ្គសិក្សាភាសាបរទេស ដែលនិស្សិតអាចមានជំរើសរហូតដល់ ១០ ភាសា។ នាពេលបច្ចុប្បន្ននេះ មហាវិទ្យាល័យនៅតែបន្តបន្ថែមនូវកម្មវិធីសិក្សាថ្មីៗ ព្រមជាមួយការអភិវឌ្ឍសម្ភរាបរិក្ខរាអប់រំឱ្យកាន់តែទំនើប ដើម្បីបង្កភាពងាយស្រួលសម្រាប់ និស្សិតធ្វើការសិក្សាស្រាវជ្រាវក្នុងការទទួលបានបទពិសោធន៍ និងចំណេះដឹងថ្មីៗ។
II. អាសយដ្ឋាន
Regent's College London មានទីតាំងនៅ Inner Circle, Regents Park London NW 14NS, ស្ថិតនៅជិត Baker Street Underground station នៃទីក្រុងឡុងដ៍ ចក្រភពអង់គ្លេស។ និស្សិត និងអាណាព្យាបាលអាចចូលទៅកាន់គេហទំព័រ www.regents.ac.uk ឬទំនាក់ទំនងតាមទូរស័ព្ទលេខ +44(0)20 7487 7700 ដើម្បីស្វែងយល់បន្ថែមទៀតអំពីមហាវិទ្យាល័យ។
III. កម្មវិធីសិក្សា
1. ថ្នាក់បរិញ្ញាបត្រ
លក្ខខណ្ឌចូលសិក្សា
- ត្រូវមានសញ្ញាបត្រ A levels ឬ GCSE
- ត្រូវមានពិន្ទុតេស្តអន្តរជាតិ IELTS = 6 ឬ TOEFL iBT = 80
2. ថ្នាក់អនុបណ្ឌិត
លក្ខខណ្ឌចូលសិក្សា
-ត្រូវមានសញ្ញាបត្របរិញ្ញាបត្រដែលចេញដោយគ្រឹះស្ថានដែលមានការទទួលស្គាល់លើគុណភាពអប់រំ
- ត្រូវមានពិន្ទុតេស្តអន្តរជាតិ IELTS = 6.5 ឬ TOEFL iBT = 90
បញ្ជាក់ៈ
- វគ្គសិក្សាថ្នាក់បរិញ្ញាបត្រចាប់ផ្តើមនៅខែ កញ្ញា និង កុម្ភៈ ដែលមានរយៈពេលសិក្សា ៣ឆ្នាំកន្លះ
- វគ្គសិក្សាថ្នាក់អនុបណ្ឌិតចាប់ផ្តើមនៅខែ កញ្ញា មករា និង កុម្ភៈ ដែលមានរយៈពេលសិក្សាពី ១ឆ្នាំ ទៅ ១ឆ្នាំកន្លះ
- មានវគ្គបំប៉នភាសាអង់គ្លេសសម្រាប់និស្សិត
IV. កន្លែងស្នាក់នៅ
មហាវិទ្យាល័យបានរៀបចំកន្លែងស្នាក់នៅសម្រាប់និស្សិតដែលមានតម្លៃសមរម្យបរិយាកាសរស់នៅល្អប្រកបដោយសុវត្ថិភាព មានទីតាំងនៅក្នុងបរិវេណផ្ទាល់របស់មហាវិទ្យាល័យ ស្ថិតក្នុងអាគារ Oliver Hall, Reid Hall និង Oliver Flats។ ម៉្យាងវិញទៀតនិស្សិតក៏អាចជ្រើសរើសការស្នាក់នៅដោយខ្លួនឯងជាលក្ខណៈឯកជននៅខាងក្រៅបរិវេណរបស់មហាវិទ្យាល័យដោយមានការជួយ ជ្រោមជ្រែងពីការិយាល័យស្វែងរកកន្លែងស្នាក់នៅសម្រាប់និស្សិត។
V. ជីវភាពប្រចាំថ្ងៃ
មហាវិទ្យាល័យយកចិត្តទុកដាក់យ៉ាងសំខាន់លើសុខមាលភាព និងតម្រូវការផ្សេងៗរបស់និស្សិតក្នុងរយៈពេលកំពុងសិក្សា។ បណ្ណាល័យ ហាងលក់សៀវភៅ ក្លឹបហាត់ប្រាណមណ្ឌលសុខភាព ទីកន្លែងកំសាន្ត និងអាហារដ្ឋានជាច្រើន ត្រូវបានរៀបចំដោយមហាវិទ្យាល័យដើម្បីបង្កភាពងាយស្រួលសម្រាប់ការស្នាក់នៅ និងការសិក្សារបស់និស្សិត។
VI. ឱកាសផ្សេងៗ
និស្សិតមានឱកាសប្រាស្រ័យទាក់ទងជាមួយបណ្តានិស្សិតផ្សេងទៀតមកពីជាង១០០ ប្រទេសដែលបានមកសិក្សានៅ Regent's College London។ និស្សិតនឹងបានសិក្សាដោយផ្ទាល់ជាមួយសាស្ត្រាចារ្យដែលពួកគាត់ភាគច្រើនជាម្ចាស់ក្រុមហ៊ុន ឬជាទីប្រឹក្សារបស់ក្រុមហ៊ុនល្បីៗ។ ជាពិសេសជាងនេះទៀត និស្សិតដែលកំពុងតែសិក្សាទាំងថ្នាក់បរិញ្ញាបត្រ និងអនុបណ្ឌិតមានឱកាសទទួលបានទាំង បទពិសោធន៍ការងាររួម និងប្រាក់កម្រៃ តាមរយៈការធ្វើការក្រៅម៉ោង។
VII. តម្លៃសិក្សា
បញ្ជាក់ៈ តម្លៃសិក្សាអាចមានការប្រែប្រួលទៅតាមកម្មវិធីសិក្សា និងការផ្លាស់ប្តូររបស់មហាវិទ្យាល័យ។
ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី
ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក
ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ