សាកលវិទ្យាល័យ Curtin សាខាសិង្ហបុរី
I. ស្ថានភាពទូទៅ
Curtin University ជាសាកលវិទ្យាល័យមួយនៅប្រទេសអូស្ត្រាលីបានរៀបចំកម្មវិធីសិក្សារបស់ខ្លួនឱ្យមាននៅប្រទេសសិង្ហបុរីចាប់ តាំងពីឆ្នាំ ១៩៨៦។ រហូតមកដល់ឆ្នាំ២០០៨ សាកលវិទ្យាល័យមួយនេះបានសហការជាមួយតំណាងនៅសិង្ហបុរីក្នុងការបើកដំណើរការជាផ្លូវការនូវ Curtin Singapore Campus នៅប្រទេសសិង្ហបុរី។ សាខាថ្មីនេះបានផ្តល់នូវបរិយាកាសសិក្សា និងរស់នៅយ៉ាងល្អប្រសើរ សម្រាប់និស្សិត ព្រោះស្ថិតនៅចំកណ្តាលទីក្រុងសិង្ហបុរី។ សព្វថ្ងៃ សាខាមួយនេះកំពុងតែបន្តការអភិវឌ្ឍរបស់ខ្លួនទាំងផ្នែកសម្ភារសិក្សា និងកម្មវិធីសិក្សាដើម្បីធានាឱ្យបានលើភាពជឿនលឿនទៅមុខលើវិស័យអប់រំ។ និស្សិតដែលបន្តការសិក្សានៅ Curtin Singapore Campusប្រៀបបាននិងការសិក្សាផ្ទាល់នៅប្រទេសអូស្ត្រាលី ជាពិសេសនិស្សិតអាចចំណេញទាំងពេលវេលា និងការចំណាយ។
II. អាសយដ្ឋាន
Curtin Singapore Campus មានទីតាំងស្ថិតនៅអគារ ៩០ និង ៩២ Jalan Rajah, Singapore 329162 នៃប្រទេសសិង្ហបុរី។ និស្សិត និងអាណាព្យាបាលអាចចូលទៅកាន់គេហទំព័រ www.curtin.edu.sg ឬទំនាក់ទំនងតាមទូរស័ព្ទលេខ +65 6593 8000ដើម្បីស្វែងយល់បន្ថែមទៀតអំពីសាកលវិទ្យាល័យ។
III. កម្មវិធីសិក្សា
1. ថ្នាក់បរិញ្ញាបត្រ
លក្ខខណ្ឌចូលសិក្សា
- ត្រូវមានសញ្ញាបត្រថ្នាក់វិទ្យាល័យ ឬមានសញ្ញាបត្រ A levels
- ត្រូវមានពិន្ទុតេស្តអន្តរជាតិ IELTS = 6.0 ឬ TOEFL iBT = 80
2. ថ្នាក់អនុបណ្ឌិត
លក្ខខណ្ឌចូលសិក្សា
-ត្រូវមានសញ្ញាបត្របរិញ្ញាបត្រដែលចេញដោយគ្រឹះស្ថានដែលមានការទទួលស្គាល់លើគុណភាពអប់រំ
- ត្រូវមានពិន្ទុតេស្តអន្តរជាតិ IELTS = 6.5 ឬ TOEFL iBT = 90
បញ្ជាក់ៈ
- វគ្គសិក្សាថ្នាក់បរិញ្ញាបត្រចាប់ផ្តើមនៅខែ មិនា កក្កដា និង វិច្ឆិកា ដែលមានរយៈពេលសិក្សា ២ឆ្នាំ
- វគ្គសិក្សាថ្នាក់អនុបណ្ឌិតចាប់ផ្តើមនៅខែ មិនា កក្កដា និង វិច្ឆិកា ដែលមានរយៈពេលសិក្សា ១ឆ្នាំ
- មានវគ្គបំប៉នភាសាអង់គ្លេសសម្រាប់និស្សិត ដែលមានរយៈពេលពី ៨ ទៅ ១៥សប្តាហ៍
IV. កន្លែងស្នាក់នៅ
ការជ្រើសរើសកន្លែងស្នាក់នៅ នៅប្រទេសសិង្ហបុរីមានជំរើសសម្បូរបែបអាស្រ័យលើតម្រូវការ និងតម្លៃ។ និស្សិតអាចជ្រើសរើស ការស្នាក់នៅក្នុងអគារស្នាក់នៅឯកជនដែលមានបន្ទប់សម្រាប់មនុស្សម្នាក់ ឬបន្ទប់សម្រាប់ស្នាក់នៅរួម។ លើសពីនេះទៀត និស្សិតក៏អាចជ្រើសរើសយកកន្លែងស្នាក់នៅជារបស់រដ្ឋដែលមានតម្លៃសមរម្យ។ រាល់កន្លែងស្នាក់នៅទាំងអស់ សាកលវិទ្យាល័យបានធ្វើការជ្រើសរើស យកតែកន្លែងណាដែលធានាបាននូវសុខសុវត្ថិភាពសម្រាប់និស្សិត និងមានភាពងាយស្រួលលើមធ្យោបាយធ្វើដំណើរ។
V. ជីវភាពប្រចាំថ្ងៃ
ប្រទេសសិង្ហបុរីជាប្រទេសមួយដែលចំរុះទៅដោយជាតិសាសន៍ជាច្រើនតែទោះបីជាយ៉ាងណា ការប្រាស្រ័យទាក់ទងមានភាពងាយ ស្រួលបំផុត តាមរយៈការប្រើប្រាស់ភាសាអង់គ្លេសតែមួយ ដែលធ្វើឱ្យនិស្សិតកម្ពុជាយើងមានឱកាសទំនាក់ទំនង និងស្វែងយល់ពីអរិយធម៌ក្រៅប្រទេសបានយ៉ាងច្រើន។ ចំពោះអាកាសធាតុវិញមានភាពស្រដៀងគ្នាយ៉ាងខ្លាំងទៅនឹងប្រទេសកម្ពុជាងាយ ស្រួលឱ្យនិស្សិត សម្របខ្លួនបានព្រមទាំងមានតំបន់ទេសចរណ៍ជាច្រើនដែលល្បីល្បាញទូទាំងអាស៊ី អាចឱ្យនិស្សិតសម្រាកលំហែកាយក្រោយពេលម៉ោងសិក្សា។
VI. ឱកាសផ្សេងៗ
ការសិក្សានៅសាកលវិទ្យាល័យ Curtin Singapore Campus ធ្វើឱ្យចំណេញទាំងថវិកា និងពេលវេលា មិនត្រឹមតែប៉ុណ្ណោះ សញ្ញាបត្រទាំងអស់ត្រូវបានចេញដោយសាកលវិទ្យាល័យ Curtin នៅប្រទេសអូស្ត្រាលី ដែលទទួលស្គាល់គុណភាពទូទាំងពិភពលោក។
VII. តម្លៃសិក្សា
បញ្ជាក់ៈ តម្លៃសិក្សាអាចមានការប្រែប្រួលទៅតាមកម្មវិធីសិក្សា និងការផ្លាស់ប្តូររបស់មហាវិទ្យាល័យ។
ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី
ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក
ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ