សាកលវិទ្យាល័យ South Australia
I. ស្ថានភាពទូទៅ
The University of South Australia (UniSA) ជាសាកលវិទ្យាល័យរដ្ឋមួយដែលត្រូវបានបង្កើតឡើងនៅឆ្នាំ ១៩៩១ តាមរយៈការបង្រួមចូលគ្នារវាង South Australian Institute of Technology ជាមួយនឹង Colleges of Advanced Education ហើយក៏ជាសាកលវិទ្យាល័យដែលចំណាស់ជាងគេក្នុងរដ្ឋ South Australia ប្រទេសអូស្ត្រាលី។ សព្វថ្ងៃសាកលវិទ្យាល័យមានទាំងអស់ ៦សាខា ដែលមាននិស្សិតកំពុងសិក្សាសរុបចំនួន ៣៦,០០០នាក់ ក្នុងនោះ ១៤,០០០ នាក់ជានិស្សិតមកពីបរទេស។ សាកលវិទ្យាល័យបាន បង្កើតកម្មវិធីមួយឈ្មោះថា SAIBT ដើម្បីឱ្យនិស្សិតបរទេសទាំងអស់អាចចូលរៀនបន្តថ្នាក់បរិញ្ញាបត្រនៅសាកលវិទ្យាល័យបាន។ SAIBT បានផ្តល់នូវកម្មវិធីសិក្សាជាច្រើន មានដូចជាវគ្គបំប៉នភាសាអង់គ្លេស និង Diploma លើមុខវិជ្ជា សិល្បៈ ពាណិជ្ជកម្ម វិទ្យាសាស្រ្តសុខាភិបាល បចេ្ចកវិទ្យា និង វិស្វកម្ម។
II. អាសយដ្ឋាន
The University of South Australia មានទីតាំងធំនៅ Adelaide, South Australia 5001 ប្រទេសអូស្ត្រាលី។ និស្សិត និងអាណាព្យាបាលអាចចូលទៅកាន់គេហទំព័រ www.unisa.edu.au ឬទំនាក់ទំនងតាមទូរស័ព្ទលេខ +61 8 8302 6611 ដើម្បីស្វែងយល់បន្ថែមទៀតអំពីសាកលវិទ្យាល័យ។
III. កម្មវិធីសិក្សា
លក្ខខណ្ឌចូលសិក្សា
Foundation Studies Program និង Certificate IV in Tertiary Preparation
-ត្រូវមានសញ្ញាបត្រថ្នាក់វិទ្យាល័យ ឬមានសញ្ញាបត្រដែលមានតម្លៃស្មើថ្នាក់ទី១១នៅប្រទេសអូស្ត្រាលី
- មានពិន្ទុ IELTS = 5.5 ឬ TOEFL iBT = 65
Diploma Program
- ត្រូវមានសញ្ញាបត្រថ្នាក់វិទ្យាល័យ ឬមានសញ្ញាបត្រ GCE “A” Level
- មានពិន្ទុ IELTS = 5.5 ឬ TOEFL iBT = 65
បញ្ជាក់ៈ
- វគ្គសិក្សាទាំងអស់ចាប់ផ្តើមនៅខែ កុម្ភៈ មិថុនា និង តុលា
- សញ្ញាបត្រ Foundation Studies និង Certificate IV in Tertiary Preparation មានរយៈពេលសិក្សាពី ៨ ទៅ ១២ ខែ
- សញ្ញាបត្រ Diploma មានរយៈពេលសិក្សាពី ៨ ទៅ ១២ ខែ
- សញ្ញាបត្របរិញ្ញបត្រមានរយៈពេលសិក្សា ៣ឆ្នាំ
IV. កន្លែងស្នាក់នៅ
សាកលវិទ្យាល័យមានបុគ្គលិកដើម្បីផ្តល់យោបល់ និងជួយនិស្សិតក្នុងការរៀបចំឱ្យមានកន្លែងស្នាក់នៅដែលសមរម្យក្នុងអំឡុង ពេលសិក្សា។ និស្សិតមានជំរើសច្រើនក្នុងការស្វែងរកកន្លែងស្នាក់ដែលពួកគេពេញចិត្ត រួមមានការស្នាក់នៅជាមួយគ្រួសារជនជាតិអូស្ត្រាលីការស្នាក់នៅក្នុងបរិវេណសាកលវិទ្យាល័យ ឬក្រៅបរិវេណសាកលវិទ្យាល័យ។ កន្លែងស្នាក់នៅ មានតម្លៃសមរម្យ បរិយាកាសល្អ ព្រមទាំងមានសុវត្ថិភាពទៀតផង។
V. ជីវភាពប្រចាំថ្ងៃ
និស្សិតដែលកំពុងតែសិក្សានៅក្នុងសាកលវិទ្យាល័យ នឹងទទួលបានការយកចិត្តទុកដាក់ខ្ពស់ ព្រមទាំងទទួលបានការប្រឹក្សា យោបល់ជាមួយបុគ្គលិករបស់សាកលវិទ្យាល័យរាល់ពេលដែលពួកគេជួបបញ្ហា។ ម៉្យាងវិញទៀតនៅម៉ោងសម្រាកពីការសិក្សានិស្សិតអាចជួប ជុំជជែកកំសាន្ត បរិភោគអាហារ ឬសិក្សាបន្ថែមនៅតាមអាហារដ្ឋាន បណ្ណាល័យ ក្លឹបហាត់ប្រាណដែលមានស្រាប់ក្នុងទីតាំងរបស់ សាកលវិទ្យាល័យ។
VI. ឱកាសផ្សេងៗ
និស្សិតដែលកំពុងសិក្សាកម្មវិធី SAIBT នឹងមានឱកាសបន្តយកសញ្ញាបត្រថ្នាក់បរិញ្ញាបត្រនៅសាកលវិទ្យាល័យ South Australia បានដោយងាយស្រួល។ ថ្នាក់រៀនមានទំហំតូចល្មមធ្វើឱ្យនិស្សិតទទួលបានការយកចិត្តទុកដាក់ច្រើនពីសាស្រ្តចារ្យ និងអាចឆាប់ចាប់បាននូវខ្លឹមសារមេរៀន។ ការចូលរៀនមានបីដងក្នុងមួយឆ្នាំធ្វើឱ្យនិស្សិតមានជំរើសច្រើនក្នុងការចាប់ផ្តើមវគ្គសិក្សារបស់ពួកគេ។
VII. តម្លៃសិក្សា
បញ្ជាក់ៈ តម្លៃសិក្សាអាចមានការប្រែប្រួលទៅតាមកម្មវិធីសិក្សា និងការផ្លាស់ប្តូររបស់សាកលវិទ្យាល័យ។
ប៊ែលធី ទំនាក់ទំនង អន្តរជាតិ បានបញ្ជូន សិស្សប្រឡងជាប់អាហារូបករណ៍ ឧកញ៉ា លី ឆេង ចំនួន ១៣នាក់ទៅសិក្សាថ្នាក់បរិញ្ញាបត្រ នៅវិទ្យាស្ថានEASB នៃប្រទេសសិង្ហបុរី
ប៊ែលធី ទំនាក់ទំនង អន្តរជាតិ បានរៀបចំ ដំណើរទស្សនកិច្ចសិក្សាសិស្សសាលាប៊ែលធីអន្តរជាតិ ទៅវ៉ាស៊ីងតោន សហរដ្ឋអាមេរិក
ប៊ែលធី ទំនាក់ទំនង អន្តរជាតិ បានរៀបចំដំណើរទស្សនកិច្ចសិក្សាសិស្សសាលាប៊ែលធីអន្តរជាតិ សាកលវិទ្យាល័យបាំងកក ប្រទេសថៃ