៤-ល័ក្ខខ័ណ្ឌនៃការចុះឈ្មោះចូលរៀននិងកម្មវិធីសិក្សា

ក-អំពីថ្នាក់ត្រៀមមុនចូលថ្នាក់ទី១

សិស្សដែលអាចចុះឈ្មោះចូលរៀនថ្នាក់ត្រៀមមុនចូលថ្នាក់ទី១ បានត្រូវមានអាយុយ៉ាងតិចបំផុត ៥ឆ្នាំ។

ខ-អំពីបឋមសិក្សា និងមធ្យមសិក្សា(ថ្នាក់ទី១ ដល់ទី១២)

សិស្សដែលអាចចុះឈ្មោះចូលរៀនថ្នាក់ ទី១ ចំណេះទូទៅត្រូវមាន សំបុត្រកំណើត ដែលបញ្ជាក់អាយុយ៉ាងតិចបំផុត ៧០ខែ(ឬ ៦ឆ្នាំ) គិតត្រឹមថ្ងៃទី១ ខែសីហា។
សិស្សដែលផ្ទេរការសិក្សាមកពីសាលាផ្សេងៗ ទូទាំងប្រទេសពីថ្នាក់ទី៤-៩ ត្រូវភ្ជាប់មកជាមួយនូវសៀវភៅតាមដានការសិក្សាមួយច្បាប់(បើមាន) និងសៀវភៅសិក្ខាគារិកមួយច្បាប់។ ដោយឡែកចំពោះសិស្សថ្នាក់ទី១០-១២ ដែលផ្ទេរចូលពីសាលានានាត្រូវផ្តល់បន្ថែមនូវច្បាប់ ថតចំលងសញ្ញាបត្របធ្យមសិក្សាបឋមភូមិ(ឌីប្លូម) ដែលមានបញ្ជាក់ពីស្ថាប័នដែលមានសមត្ថកិច្ច ចំនួន៣ច្បាប់ និងត្រូវភ្ជាប់មកជាមួយនូវច្បាប់ដើម សម្រាប់បង្ហាញ និង ពិនិត្យផ្ទៀងផ្ទាត់ជាក់ស្តែង។
ចំពោះសិស្សបឋមសិក្សា ឬមធ្យមសិក្សាបឋមភូមិ ដែលគ្មានឯកសារខាងលើត្រូវធ្វើតេស្តដើម្បីបញ្ជាក់ពី សមត្ថភាព និងដើម្បីកំណត់ថ្នាក់ដែលត្រូវចូលរៀនជាមុនសិន ទើបចុះឈ្មោះចូលរៀនជាក្រោយ។ ករណីចាំបាច់សូមទាក់ទងមកវិទ្យាស្ថាន ប៊ែលធីដែលនៅជិតផ្ទះលោកអ្នក។
អាណាព្យាបាលត្រូវបំពេញពាក្យសុំចុះឈ្មោះចូលរៀន រួមមានជីវប្រវត្តិសង្ខេបរបស់សិស្ស កិច្ចសន្យាគោរពតាមបទបញ្ជាផ្ទៃក្នុងរបស់វិទ្យាស្ថានដែលមានស្រាប់ និងផ្តល់លេខទូរស័ព្ទផ្ទាល់ខ្លួនឲ្យបានច្បាស់លាស់។
ត្រូវផ្តល់ច្បាប់ថតចំលងសំបុត្របញ្ជាក់កំណើត១ ច្បាប់ ឬ ច្បាប់ថតចំលងសៀវភៅគ្រួសារ១ច្បាប់ និងរូបថត ៤x៦ ចំនួន ៥ សន្លឹក។
ចំណែកឯកសារផ្ទេរការសិក្សាផ្សេងៗទៀត សាលាជាអ្នកសម្របសម្រួលជូនដោយឥតគិតថ្លៃ។

-កម្មវិធីសិក្សា ចំណេះទូទៅ

ថ្នាក់ទី	សៀវភៅសិក្សា
ក-ថ្នាក់ត្រៀមមុនចូលថ្នាក់ទី១	Preschool 1: -Phonics 1 -Preschool English Book 1 -Khmer Studies -Coloring Book -VCD Program Preschool 2: -Phonics 2 -Preschool English Book 2 -Khmer Studies -Coloring Book -VCD Program Preschool 3: -Phonics 3 & Phonics 4 -Conversation Preschool 3 -VCD Program Preschool 4: -Phonics 5 & Phonics 6 -Conversation Preschool 4 -VCD Program
ខ-បឋមសិក្សាពីថ្នាក់ទី១-ទី៦	ភាសាខ្មែរ គណិតវិទ្យា សិក្សាសង្គម (អប់រំពលរដ្ឋវិជ្ជា និងសីលធម៌ អប់រំសិល្បៈ និងអប់រំវិជ្ជាសង្គម) វិទ្យាសាស្រ្តអនុវត្តន៍ ភាសាអង់គ្លេស អប់រំកាយ និងកីឡា ថ្នាក់កុំព្យូទ័រ
គ-អនុវិទ្យាល័យពីថ្នាក់ទី ៧ ដល់ថ្នាក់ទី៩	ភាសាខ្មែរ គណិតវិទ្យា សិក្សាសង្គម (ពលរដ្ឋវិជ្ជា និងសីលធម៌ គេហវិទ្យា ភូមិវិទ្យានិងប្រវត្តិវិទ្យា) វិទ្យាសាស្រ្តអនុវត្តន៍ (រូបវិទ្យា គីមីវិទ្យា ជីវវិទ្យា និងផែនដីវិទ្យា) ភាសាអង់គ្លេស អប់រំកាយ និងកីឡា ថ្នាក់កុំព្យូទ័រ
ឃ-វិទ្យាល័យពីថ្នាក់ទី ១០ ដល់ថ្នាក់ទី១២	ភាសាខ្មែរ គណិតវិទ្យា សិក្សាសង្គម (ពលរដ្ឋវិជ្ជា និងសីលធម៌ គេហវិទ្យា ភូមិវិទ្យានិងប្រវត្តិវិទ្យា) វិទ្យាសាស្រ្តអនុវត្ត (រូបវិទ្យា គីមីវិទ្យា ជីវវិទ្យា និងផែនដីវិទ្យា) ភាសាអង់គ្លេស អប់រំកាយ និងកីឡា ថ្នាក់កុំព្យូទ័រ


១-	ចក្ខុវិស័យ បេសកកម្ម និងគោលដៅ
២-	លក្ខណសម្បត្តិពិសេស
៣-	បវេសនកាល និងតម្លៃសិក្សា
៤-	ចុះឈ្មោះចូលរៀន និងកម្មវិធីសិក្សា
៥-	គោលការណ៍ លើកទឹកចិត្ត
៦-	ថ្នាក់ត្រៀមមុនចូលថ្នាក់ទី១
៧-	បឋមសិក្សាពីថ្នាក់ទី១-ទី៦
៨-	អនុវិទ្យាល័យពីថ្នាក់ទី៧-ទី៩
៩-	វិទ្យាល័យពីថ្នាក់ទី១០-ទី១២
១០-	សញ្ញាបត្រចំណេះទូទៅ