ពានរង្វាន់សហគ្រិនវ័យក្មេង (Young Success of the Entre-preneurship) វេទិកា ពានរង្វាន់សហគ្រិនវ័យក្មេងអាស៊ានបូក៣ នេះត្រូវបាន រៀបចំដោយ គណៈកម្មាធិការជាតិយុវជនវៀតណាម សម្ព័ន្ធយុវជនកុម្មុនិស្តហូជីមិញ និង សហព័ន្ធយុវជនវៀតណាម និងមានការចូលរួមពីពាណិជ្ជករវ័យក្មេងចំនួន ៦៥នាក់ មកពីប្រទេសសមាជិកអាស៊ាន+៣ ។
លោក លី ណាវុឌ្ឍ អគ្គនាយករង ប៊ែលធីគ្រុប និងជាសាកលវិទ្យាធិការរង សាកលវិទ្យាល័យ ប៊ែលធី អន្តរជាតិ បានអញ្ជើញចូលរួមកម្មវិធីសហគ្រិនវ័យក្មេង របស់អាស៊ានបូក៣ ដែលប្រារព្ធឡើងនៅទីក្រុង ហូជីមិញ ប្រទេស វៀតណាមនិង មានការចូលរួមពីសហគ្រិនវ័យក្មេងចំនួន១៣រូប មកពីបណ្តាប្រទេសជាសមាជិក អាស៊ានទាំង១០ និងប្រទេសដែលជាដៃគូរសហប្រត្តិការទាំង៣ រួមមាន ប្រទេស ចិន ជប៉ុន និងកូរ៉េខាងត្បូង ព្រមទាំងបានធ្វើបទបង្ហាញ ស្តីពីការទទួល ស្គាល់នៃ ការចូលរួមចំណែករបស់ខ្លួនក្នុងការអភិវឌ្ឍនៅក្នុងតំបន់ប្រកបដោយចេរភាព។
ជាការពិតណាស់ ដើម្បីទទួលបានពានរង្វាន់នេះ បេក្ខជនត្រូវតែជាផ្នែកមួយ នៃស្ថាបនិករបស់អាជីវកម្ម វ័យក្មេង ឬជាម្ចាស់អាជីវកម្មផ្ទាល់ ដែលអាចង្កើត ការងារដល់ប្រជាជនក្នុងតំបន់ ការអប់រំ ការថែរក្សាសុខភាព ឬ សេវាសង្គមផ្សេងៗ ។
អ្នកស្រី ហ្វាម ថីហ្វឿងជី អនុប្រធានសហព័ន្ធយុវជនវៀតណាម បានឱ្យ ដឹងថា ការផ្តល់ពានរង្វាន់នេះ មានគោលបំណងលើកកម្ពស់ស្មារតីសហគ្រិនវ័យក្មេង ដោយផ្តោតជាសំខាន់លើការជំរុញសហគមន៍ និងការអភិវឌ្ឍប្រកបដោយ ចេរភាព នៅក្នុងការប្រតិបត្តិការអាជីវកម្មរបស់ខ្លួន ហើយកម្មវិធីនេះក៏មានគោល ដៅសំខាន់ផងដែរក្នុងការបង្កើនការប្រាស្រ័យទាក់ទងគ្នាទៅវិញទៅមកក្នុងរង្វង់ អាជីវកម្ម នៃសហគ្រិនវ័យក្មេងទាំងនៅក្នុងតំបន់អាស៊ាន និងអាស៊ានបូក៣ ដូច្នេះកិច្ចសហប្រតិបត្តិការ និងការចែករំលែកបទពិសោធន៍នេះ ពិតជាមានសារសំខាន់ណាស់សម្រាប់ការអភិវឌ្ឍប្រកបដោយចេរភាព ទាំងក្នុងប្រទេសជាតិ នីមួយៗក្នុងតំបន់ និងលើពិភពលោក។