ពិធីប្រគល់វិញ្ញាបនបត្រជូនដល់សិស្សានុសិស្សភាសាអង់គ្លេសទូទៅកម្រិតទី៦ (Level 6) ជំនាន់ទី៧០ និងទី៧១ ដែលបានប្រឡងបញ្ចប់ការសិក្សាដោយជោគជ័យចំនួន ៧៦២នាក់ នៅសាលសន្និសីទនៃសាកលវិទ្យាល័យ ប៊ែលធី អន្តរជាតិទី២ (ស្ពានអាកាសចោមចៅ)
សាលា ប៊ែលធី អន្តរជាតិ បានប្រារព្ធពិធីប្រគល់វិញ្ញាបនបត្រជូនដល់សិស្សានុសិស្សភាសាអង់គ្លេសទូទៅកម្រិតទី៦ (Level 6) ជំនាន់ទី៧០ និងទី៧១ ដែលបានប្រឡងបញ្ចប់ការសិក្សាដោយជោគជ័យចំនួន ៧៦២នាក់ នៅសាលសន្និសីទនៃសាកលវិទ្យាល័យ ប៊ែលធី អន្តរជាតិទី២ (ស្ពានអាកាសចោមចៅ) ក្រោមអធិបតីភាពដ៏ខ្ពង់ខ្ពស់ ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា តំណាងដ៏ខ្ពង់ខ្ពស់ឯកឧត្តមបណ្ឌិត លី ឆេង តំណាងរាស្ត្រមណ្ឌលរាជធានីភ្នំពេញស្ថាបនិក និងជាអគ្គនាយក ប៊ែលធី គ្រុប នាព្រឹកថ្ងៃទី០៣ ខែសីហា ឆ្នាំ២០២៤។
ក្នុងឱកាសនោះ ឯកឧត្តម លី ប៊ុនឆៃ បានកោតសរសើរចំពោះក្មួយៗ ដែលបានខិតខំយកចិត្តទុកដាក់ប្រឹងប្រែងសិក្សារៀនសូត្រសម្រាប់កម្រិតទី៦ (Level 6) ជាពិសេសគោរពបទបញ្ជាផ្ទៃក្នុង មានវិន័យ សីលធម៌ និងគុណធម៌ល្អ មិនបង្កផលលំបាកដល់គ្រួសារ និងសង្គមជាតិ រហូតទទួលបានជោគជ័យនាពេលនេះ។ ជាមួយនឹងជោគជ័យរបស់ក្មួយៗ ឯកឧត្តមអគ្គនាយករង ក៏បានថ្លែងអំណរគុណចំពោះមាតាបិតា និងអាណាព្យាបាលសិស្សទាំងអស់ដែលបានផ្តល់ឱកាស និងជំរុញកូនៗឱ្យសិក្សាបន្ថែមនៅផ្ទះ ធ្វើកិច្ចការផ្ទះ និងគោរព វិន័យសាលា ព្រមទាំងសហការយ៉ាងជិតស្និតជាមួយគណៈគ្រប់គ្រងនៅតាមបណ្តាសាខានៃសាលា ប៊ែលធី អន្តរជាតិ។ ឯកឧត្តមអគ្គនាយករង ក៏បានផ្តាំផ្ញើដល់ក្មួយៗទាំងអស់ឱ្យខិតខំយកចិត្តទុកដាក់បន្តការសិក្សារៀនសូត្របន្ថែមទៀតនៅថ្នាក់ Adult Learners (Level 7-12) ដើម្បីត្រៀមខ្លួនប្រកួតប្រជែងដណ្តើមទីផ្សារការងារជាតិ និងអន្តរជាតិ ជាពិសេសដើរឱ្យទាន់នូវការរីកចម្រើនផ្នែកបច្ចេកវិទ្យានៃសម័យបដិវត្តន៍ឧស្សាហកម្ម៤.០។
ជាទីបញ្ចប់ ឯកឧត្តមអគ្គនាយករង បានចូលរួមអបអរសាទរ និងប្រគល់វិញ្ញាបនបត្រដល់សិស្សជ័យលាភីទាំង ៧៦២នាក់ នាពេលនោះផងដែរ។
ព្រឹត្តិការណ៍សំខាន់ៗប្រចាំថ្ងៃ
“ពិធីជំនួបរវាងប៊ែលធី គ្រុប ជាមួយ វិទ្យាស្ថានស្តង់ដារកម្ពុជា នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ស្ដីពីការចេញវិញ្ញាបនបត្រប្រព័ន្ធគ្រប់គ្រងគុណភាព (ISO 9001:2015) និងការប្រើសញ្ញា...
“ពិធីជំនួបរវាងប៊ែលធី គ្រុប ជាមួយ វិទ្យាស្ថានស្តង់ដារកម្ពុជា នៃក្រសួងឧស្សាហកម្ម វ...
30/Aug/2024
កម្មវិធីប្រកួតប្រជែងនិយាយភាសាអង់គ្លេស លើកទី២០ វគ្គផ្ដាច់ព្រ័ត្រ កម្រិតប៊ែលធី សម្...
16/Aug/2024
កម្មវិធីប្រកួតប្រជែងសំណេរភាសាអង់គ្លេសលើកទី១២ វគ្គពាក់កណ្តាលផ្តាច់ព្រ័ត្រ និងវគ្គ...
09/Aug/2024
កម្មវិធីប្រកួតប្រជែងអំណានអប់រំ លើកទី១ វគ្គផ្តាច់ព្រ័ត្រ សម្រាប់សិស្សានុសិស្សថ្នា...
07/Aug/2024
ពិធីប្រគល់វិញ្ញាបនបត្រជូនដល់សិស្សានុសិស្សភាសាអង់គ្លេសទូទៅកម្រិតទី៦...
03/Aug/2024
ពិធីប្រគល់វិញ្ញាបនបត្រជូនដល់សិស្សានុសិស្សភាសាអង់គ្លេសទូទៅកម្រិត Preschool 6 ជំនា...
13/Jul/2024