សា​លា​ ប៊ែល​ធី​ អន្តរ​ជាតិ​ បាន​ប្រារព្ធ​ពិធី​ប្រគល់ ​សញ្ញា​បត្រ​មធ្យម​សិក្សា​ទុតិយ​ភូមិ​ប៊ែល​ធី​ជូន​ដល់​សិស្ស​ ​ជ័យ​លា​ភី​ថ្នាក់​ទី​១២​ ជំ​នាន់​ទី​១៨​ ចំ​នួន​ ១ ០៧៣​នាក់​ (​ក្រុម​ទី​១​)

​ ដែល​បាន​ប្រឡង​ជាប់​សញ្ញា​បត្រ​មធ្យម​សិក្សា​ទុតិ​យ​ភូមិ​ (​បាក់​ឌុប​)​ មក​ពី​សា​ខា​ទី​១​ ដល់​សា​ខា​ទី​១០​ ក្រោម​អធិប​តី​ភាព​ដ៏​ខ្ពង់​ខ្ពស់​របស់​ ឯក​ឧត្តម​បណ្ឌិត​ លី​ ឆេង​ តំណាង​រាស្រ្ត​មណ្ឌល​រាជ​ធានី​ភ្នំពេញ​ ស្ថាប​និក​ និង​ជា​អគ្គ​នា​យក​ ប៊ែល​ធី​ គ្រុប​ ព្រម​ទាំង​លោក​ជំ​ទាវ​។​ ពិ​ធី​នេះ​បាន​ប្រព្រឹត្ត​ទៅ​ នា​ព្រឹក​ថ្ងៃ​សៅរ៍​ ១​រោច​ ខែ​បុស្ស​ ឆ្នាំ​ថោះ​ បញ្ចស័ក​ ព.ស.​២៥៦៧​ ត្រូវ​នឹង​ថ្ងៃ​ទី​២៧​ ខែ​មករា​ ឆ្នាំ​២០២៤​ នៅ​សាល​សន្និ​សីទ​ នៃ​សាកល​វិទ្យា​ល័យ​ ប៊ែលធី​ អន្តរ​ជាតិ​ទី​តាំង​ទី​២​ (​ស្ពាន​អាកាស​ចោម​ចៅ​)​។