សាកលវិទ្យាល័យ ប៊ែលធី អន្តរជាតិ ទាំង២ទីតាំង (ទីតាំងទី១-ទួលស្លែង និងទីតាំងទី២-ស្ពានអាកាសចោមចៅ) បានដឹកនាំ និស្សិតឆ្នាំទី២ ឆមាសទី២ មកពីគ្រប់មហាវិទ្យាល័យ និងគ្រប់វេនសិក្សា ប្រមាណ៥៥០នាក់ ព្រមទាំងថ្នាក់ដឹកនាំ និងសាស្រ្តាចារ្យ ចូលរួមក្នុងដំណើរទស្សនកិច្ចសិក្សាទៅកាន់ខេត្តព្រះសីហនុ (វិលល្ងាច) តាមរយៈរថយន្តប៊ែលធី ទេសចរណ៍ ។

សាកលវិទ្យាល័យ ប៊ែលធី អន្តរជាតិ ក៏បានបន្ថែមកម្មវិធីសិក្សាជូននិស្សិត ចំនួន៨ ផងដែររួមមាន៖

១.កម្មវិធីចែករំលែកបទពិសោធន៍

២.កម្មវិធីប្រកួតប្រជែងនិយាយជាសាធារណៈ

៣. កម្មវិធីការប្រកួតប្រជែងតស៊ូមតិ

៤. កម្មវិធីការប្រកួតប្រជែងសំណេរ

៥. កម្មវិធីដំណើរទស្សនកិច្ចសិក្សា

៦. កម្មវិធីពហុវប្បធម៌

៧. កម្មវិធីភាពយន្តឯកសារ

៨. ការចុះហ្វឹកហាត់ការងារ

កម្មវិធីទស្សនកិច្ចសិក្សាដែលជាកម្មវិធីសិក្សាបន្ថែមទី៥ ត្រូវបានរៀបចំឡើងជារៀងរាល់ឆ្នាំ និងបានបែងចែកតាមឆ្នាំសិក្សា និងឆមាសរួមមាន៖

1 ឆ្នាំទី១ (ឆមាសទី១ និងទី២) ទស្សនកិច្ចសិក្សាទៅកាន់សារមន្ទីរប្រល័យពូជសាសន៍ទួលស្លែង និង សួនសត្វភ្នំពេញសាហ្វារី (ភ្នំពេញ)

2 ឆ្នាំទី២ (ឆមាសទី១ និងទី២) ទស្សនកិច្ចសិក្សាទៅកាន់សារមន្ទីរជាតិ និងក្រុងព្រះសីហនុ (ភ្នំពេញ និងខេត្តព្រះសីហនុ)

3 ឆ្នាំទី៣ (ឆមាសទី១ និងទី២) ទស្សនកិច្ចសិក្សាទៅកាន់ព្រះបរមរាជវាំង និង ប្រាសាទសម្បូរព្រៃគុក (ភ្នំពេញ និងកំពង់ធំ)

4 ឆ្នាំទី៤ (ឆមាសទី១ និងទី២) ទស្សនកិច្ចសិក្សាទៅកាន់វិមានឈ្នះ ឈ្នះ និងកែប-ភ្នំកំពង់ត្រាច (ភ្នំពេញ និងខេត្តកែប)

បន្ទាប់ពីបញ្ចប់ទស្សនកិច្ចសិក្សានេះ និស្សិតគ្រប់មហាវិទ្យាល័យទាំងអស់ ត្រូវសរសេររបាយការណ៍អំពីលទ្ធផល ដែលខ្លួនបានឃើញ និងសិក្សាឈ្វេងយល់អំពីដំណើរទស្សនកិច្ចសិក្សានេះផងដែរ ។

កម្មវិធីបានប្រព្រឹត្តទៅនាព្រឹកថ្ងៃអាទិត្យ ១១រោច ខែពិសាខ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី០២ ខែមិថុនា ឆ្នាំ២០២៤។