“អបអរសាទរ កម្មវិធីចែករំលែកបទពិសោធន៍ ជូនដល់និស្សិតគ្រប់ឆ្នាំ និងវេនសិក្សា មកពីគ្រប់មហាវិទ្យាល័យ នៃសាកលវិទ្យាល័យ ប៊ែលធី អន្តរជាតិ ទាំង២ទីតាំង” ក្រោមប្រធានបទ៖ “តួនាទី និងភារកិច្ច នៃរដ្ឋសភា”

លោកជំទាវ និន សាផុន តំណាងរាស្រ្តមណ្ឌលខេត្តតាកែវ សមាជិកគណៈកម្មាធិការអចិន្ត្រីយ៍នៃរដ្ឋសភា និងជាប្រធានគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្រ្ត បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា បានអញ្ជើញជាអធិបតីភាព និងជាវាគ្មិនកិត្តិយសដ៏ខ្ពង់ខ្ពស់ ក្នុង “កម្មវិធីចែករំលែកបទពិសោធន៍” ក្រោមប្រធានបទ៖ “តួនាទី និងភារកិច្ច នៃរដ្ឋសភា” ដោយមានការអញ្ជើញចូលរួមពីសំណាក់ឯកឧត្តមបណ្ឌិត លី ឆេង តំណាងរាស្ដ្រមណ្ឌលរាជធានីភ្នំពេញ ស្ថាបនិក-អគ្គនាយក នៃប៊ែលធី គ្រុប និងជាប្រធានក្រុមប្រឹក្សាភិបាល នៃសាកលវិទ្យាល័យ ប៊ែលធី អន្តរជាតិ ព្រមទាំងឯកឧត្តម លោកជំទាវ ជាអគ្គនាយករង-អគ្គនាយិការរង នៃប៊ែលធី គ្រុប លេខាធិការ ទីប្រឹក្សាច្បាប់ ជំនួយការ និងសមាជិក-សមាជិកា គណៈកម្មការទី៩ នៃរដ្ឋសភា ថ្នាក់ដឹកនាំ ដែលជាប្រធានការិយាល័យ សាកលវិទ្យាធិការរង ព្រឹទ្ធបុរស ព្រឹទ្ធបុរសរង អនុប្រធានការិយាល័យ បុគ្គលិក សាស្រ្តាចារ្យ លោកគ្រូ-អ្នកគ្រូ និស្សិត មកពីគ្រប់ឆ្នាំ-វេនសិក្សា និងគ្រប់មហាវិទ្យាល័យ ព្រមទាំងយុវជនស.ស.យ.ក. និងកាកបាទក្រហម នៃសាកលវិទ្យាល័យ ប៊ែលធី អន្តរជាតិ ទាំង២ទីតាំង សរុបចំនួន ៣,២០៦នាក់។

កម្មវិធីនេះបានប្រព្រឹត្តទៅនាថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤ នៅសាកលវិទ្យាល័យ ប៊ែលធី អន្តរជាតិ ទីតាំងទី២-ស្ពានអាកាសចោមចៅ និងផ្សាយបន្តផ្ទាល់តាមរយៈប្រព័ន្ធអេឡិចត្រូនិក (ZOOM Workplace) ទៅកាន់សាកលវិទ្យាល័យ ប៊ែលធី អន្តរជាតិ ទីតាំងទី១-ទួលស្លែង។