សាកលវិទ្យាល័យ ប៊ែលធី អន្តរជាតិ

BELTEI INTERNATIONAL UNIVERSITY

គុណភាព ប្រសិទ្ធភាព ឧត្ដមភាព សីលធម៌ គុណធម៌
សាកលវិទ្យាល័យ​ ប៊ែលធី អន្តរជាតិ មានកម្មវិធីសិក្សាធំៗ ៥ គឺ ១- ថ្នាក់បំប៉នអង់គ្លេស និងកុំព្យូទ័រ | ២- ថ្នាក់បរិញ្ញាបត្ររង | ៣- ថ្នាក់បរិញ្ញាបត្រ | ៤- ថ្នាក់បរិញ្ញាបត្រជាន់ខ្ពស់ | ៥- ថ្នាក់បណ្ឌិត
សន្និសីទ កិច្ចសហប្រតិបត្តិការអន្តរជាតិ ប៊ែលធី លើកទី៧ និងវេទិកាស្រាវជ្រាវ លើកទី១

ភ្នំពេញ ៖ សាកលវិទ្យាល័យ ប៊ែលធី អន្តរជាតិ នាថ្ងៃទី៦-៧ ខែមិថុនា ឆ្នាំ២០២៤ បានរៀបចំសន្និសីទ កិច្ចសហប្រតិបត្តិការ អន្តរជាតិ ប៊ែលធី លើកទី៧ ឆ្នាំ២០២៤-The 7th BICC 2024 ស្តីពី “ឱកាសអាហារូបករណ៍ និងការរៀបចំជីវិតសិក្សានៅក្រៅប្រទេស-The Scholarship Opportunities and Preparation for Overseas Study Life” និងវេទិកាស្រាវជ្រាវ លើកទី១ ឆ្នាំ២០២៤-The 1st BELTEI IU Research Forum 2024” ស្តីពី “តួនាទី របស់គ្រឹះស្ថានឧត្តមសិក្សា ក្នុងការលើកកម្ពស់ការស្រាវជ្រាវ និងនវានុវត្តន៍ សម្រាប់កំណើនសេដ្ឋកិច្ច-Role of Higher Education Institutions in Promoting Research and Innovation for Economic Growth” ក្រោមអធិបតីភាព លោកបណ្ឌិត លី ឆេង តំណាងរាស្ដ្រមណ្ឌលរាជធានីភ្នំពេញ ស្ថាបនិក-អគ្គនាយកប៊ែលធីគ្រុប និងជាប្រធាន ក្រុមប្រឹក្សាភិបាល សាកលវិទ្យាល័យប៊ែលធី អន្តរជាតិ និងដោយមានការអញ្ជើញចូលរួមពី លោក លោកស្រី តំណាងក្រសួង-ស្ថាប័ន ព្រមទាំងមានការធ្វើបទបង្ហាញ ពីសាកលវិទ្យាល័យដៃគូ ចំនួន ៣៣ មកពី ១៨ប្រទេសជុំវិញ ពិភពលោក ជូនសិស្ស-និស្សិតប៊ែលធី និងអ្នកអាណាព្យាបាល ប្រមាណ ១២,០០០នាក់ ចូលរួមផ្ទាល់ និងតាមប្រព័ន្ធ Zoom

 

ឯកឧត្តម លី ណាវុឌ្ឍ សាកលវិទ្យាធិការ សាកលវិទ្យាល័យ ប៊ែលធី អន្តរជាតិ បានមានប្រសាសន៍ថា BICC គឺជាសន្និសីទ អន្តរជាតិ ដែលរៀបចំដោយ សាកលវិទ្យាល័យ ប៊ែលធី អន្តរជាតិ ក្នុងគោលបំណងពង្រឹង កិច្ចសហប្រតិបត្តិការ ជាមួយសាកលវិទ្យាល័យដៃគូ នៅឯក្រៅប្រទេស ដែលបានចុះ អនុស្សារណៈយោគយល់គ្នា (MoU) ដើម្បីរួមចំណែក លើកកម្ពស់គុណភាពវិស័យអប់រំ នៅកម្ពុជា ឱ្យមានការទទួលស្គាល់ជាអន្តរជាតិ ដែលផ្តោតលើ ៧ចំណុចសំខាន់ៗ ៖

១-ផ្សព្វផ្សាយអំពីវប្បធម៌ ការរីកចម្រើនលើវិស័យអប់រំ និងសេដ្ឋកិច្ច ក៏ដូចជាវិស័យផ្សេងៗ របស់កម្ពុជាទៅកាន់ពិភពលោក

២-បង្កើន និងពង្រឹងកិច្ចសហប្រតិបត្តិការភាពជាដៃគូ ជាមួយគ្រឹះស្ថានអប់រំឯកជន និងសាធារណៈទាំងក្នុងប្រទេស និងក្រៅប្រទេស

៣-ផ្សព្វផ្សាយពីគ្រឹះស្ថានដៃគូល្បីៗ នៅតាមប្រទេសនានា ជូនដល់សិស្ស-និស្សិតកម្ពុជា ជាពិសេសសិស្ស-និស្សិតប៊ែលធី

៤-បង្កើតនូវវេទិកាទំនាក់ទំនង សម្រាប់គ្រឹះស្ថានទាំងអស់ ដែលបានចូលរួម

៥-ជំរុញ និងបង្កើនចំនួនសិស្ស-និស្សិតកម្ពុជា ទៅសិក្សានៅក្រៅប្រទេសឱ្យបានកាន់តែច្រើន

៦-ផ្សព្វផ្សាយពីឱកាសទទួលបាន អាហារូបករណ៍ជូនដល់សិស្ស-និស្សិតប៊ែលធី ក៏ដូចជាសិស្ស-និស្សិតទូទាំងប្រទេស ទៅបន្តការសិក្សានៅបរទេស

៧-ចូលរួមចំណែកអភិវឌ្ឍធនធានមនុស្ស នៅកម្ពុជា ជាមួយរាជរដ្ឋាភិបាល ដែលមានក្រសួងអប់រំ យុវជន និងកីឡាជាសេនាធិការ ។

ឯកឧត្តមសាកលវិទ្យាធិការ បានបន្ថែមថា ដើម្បីចូលរួមលើកកម្ពស់គុណភាព នៃការសិក្សាស្រាវជ្រាវ ឱ្យកាន់តែមាន ប្រសិទ្ធភាព និងស្តង់ដា ដែលមានការទទួលស្គាល់ ជាអន្តរជាតិ សាកលវិទ្យាល័យក៏បានរៀបចំ “វេទិកាស្រាវជ្រាវ លើកទី”១” ដោយមានការអញ្ជើញ ចូលរួមធ្វើបទបង្ហាញ និងកិច្ចពិភាក្សាចែករំលែកបទពិសោធន៍ និងស្នាដៃសិក្សាស្រាវជ្រាវ ពីវាគ្មិនជាតិ-អន្តរជាតិ ជាច្រើនរូបផងដែរ ។ នៅក្នុងពិធីបិទសន្និសីទនេះ ក៏មានការចែករំលែកបទពិសោធន៍ អំពីជីវិតសិក្សានៅក្រៅប្រទេស របស់អតីតសិស្សនិទ្ទេស-A ជានិស្សិតអាហារូបករណ៍ឧកញ៉ា លី ឆេង គឺលោក កែវ ពិសិដ្ឋ ដែលបានបញ្ចប់ការសិក្សាពីសាកលវិទ្យាល័យ San Mateo Colleges of Silicon Valley និងសាកលវិទ្យល័យ California នៃសហរដ្ឋអាម៉េរិក ព្រមទាំងការសម្តែងសិល្បៈ វប្បធម៌ប្រពៃណីជាតិខ្មែរ ផងដែរ ។ ក្នុងឱកាសនោះ ឯកឧត្តមបណ្ឌិត លី ឆេង បានជម្រាបជូនអង្គសន្និសីទអំពី សន្តិភាព ស្ថិរភាពនយោបាយ និងការរីកចម្រើន លើគ្រប់វិស័យរបស់កម្ពុជា រួមទាំងវិស័យអប់រំ និងសេដ្ឋកិច្ច ជាពិសេសភាពលេចធ្លោ នៃកិត្តិនាមនៅលើឆាកអន្តរជាតិរបស់កម្ពុជា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាល នីតិកាលទី៧ ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី និងថ្នាក់ដឹកនាំជាច្រើនរូបទៀតដែលសុទ្ធសឹងជាបណ្ឌិត-បញ្ញវន្ត មានចំណេះដឹង ខ្ពង់ខ្ពស់ ប្រកបដោយ សីលធម៌ និងគុណធម៌ខ្ពស់ ដែលនឹងបន្តដឹកនាំប្រទេសជាតិ ឆ្ពោះទៅសម្រេច ទស្សនវិស័យអភិវឌ្ឍន៍កម្ពុជា ជាប្រទេសមានចំណូលមធ្យម កម្រិតខ្ពស់ត្រឹមឆ្នាំ២០៣០ និង មានចំណូលខ្ពស់នៅឆ្នាំ២០៥០ ។ ឯកឧត្តមបណ្ឌិត ក៏បានថ្លែងអំណរគុណគ្រឹះស្ថាន សិក្សាទាំង៣៣ ដែលបានចំណាយពេលវេលា ដ៏មានតម្លៃអញ្ជើញចូលរួម សន្និសីទដ៏មានសារៈសំខាន់នេះ និងបានធ្វើបទបង្ហាញ ចែករំលែកព័ត៌មានសិក្សា របស់សាកលវិទ្យាល័យខ្លួន ជូនដល់សិស្ស-និស្សិតកម្ពុជា ។ ឯកឧត្តមបណ្ឌិត បានបន្ថែមថា សន្និសីទBICC នឹងរួមចំណែកយ៉ាងធំធេង ក្នុងការបង្កើន ធនធានមនុស្ស ប្រកបដោយសមត្ថភាព នៅកម្ពុជា ក្នុងសម័យឌីជីថល ស្របតាមយុទ្ធសាស្ត្របញ្ចកោណ របស់រាជរដ្ឋាភិបាល ដែលបានកំណត់វិស័យអាទិភាពគន្លឹះ ៥ គឺ មនុស្ស ផ្លូវ ទឹក ភ្លើង និង បច្ចេកវិទ្យា ។  ជាទីបញ្ចប់ ឯកឧត្តមបណ្ឌិត ក៏បានលើកទឹកចិត្តដល់សាកលវិទ្យាល័យដៃគូទាំងអស់ បន្តចូលរួមសន្និសីទ BICC លើកទី៨ និងវេទិកាស្រាវជ្រាវ លើកទី២ ឆ្នាំ២០២៥ ដើម្បីរួមគ្នាពង្រឹងគុណភាពអប់រំ ទាំងថ្នាក់ជាតិ-អន្តរជាតិ ជាពិសេសបន្តពង្រឹង កិច្ចសហប្រតិបត្តិការល្អ ជាមួយគ្នាឱ្យបានកាន់ តែប្រសើរបន្ថែមទៀត

News Image News Image News Image News Image News Image News Image News Image News Image News Image News Image News Image News Image News Image News Image News Image News Image News Image News Image News Image News Image

ព្រឹត្តិការណ៍សំខាន់ៗប្រចាំថ្ងៃ

News Image News Image News Image News Image
អបអរសាទរ កម្មវិធីចែករំលែកបទពិសោធន៍ ជូនដល់និស្សិត នៃសាកលវិទ្យាល័យ ប៊ែលធី អន្តរជាតិ ទាំង២ទីតាំង
News Image
អបអរសាទរ កម្មវិធីចែករំលែកបទពិសោធន៍ ជូនដល់និស្សិត នៃសាកលវិទ្យាល័យ ប៊ែលធ...
20/Dec/2024
News Image
ដំណើរទស្សនកិច្ចសិក្សារបស់និស្សិតឆ្នាំទី២ ឆមាសទី១ (វេនព្រឹក វេនរសៀល និង...
19/Dec/2024
News Image
ពិធីប្រកាសទទួលស្គាល់សមាជិកថ្មី និងអបអរសាទរខួប១០ឆ្នាំ នៃសម្ព័ន្ធគ្រូពេទ...
15/Dec/2024
News Image
“ព្រឹត្តិការណ៍ពិព័រណ៍ពាណិជ្ជកម្មកម្ពុជា ឆ្នាំ២០២៤” ក្រោមប្រធានបទ៖ “អត្...
06/Dec/2024
News Image
អបអរសាទរកម្មវិធីចែករំលែកបទពិសោធន៍ ជូនដល់និស្សិតឆ្នាំទី៣ និងឆ្នាំទី៤ នៃ...
06/Dec/2024
News Image
📚 “បវេសនកាលថ្មី ក្រុមទី៣ ឆ្នាំសិក្សា ២០២៤-២០២៥ សម្រាប់ថ្នាក់បរិញ្ញាបត...
04/Dec/2024
News Image
អបអរសាទរ សិក្ខាសាលាស្ដីពីការចុះហ្វឹកហាត់ការងារ និងទស្សនកិច្ចសិក្សា របស...
02/Dec/2024
News Image
អបអរសាទរ ពិធីបើកជាផ្លូវការ បវរកញ្ញាភពផែនដី អន្តរជាតិ លើកទី៤ ឆ្នាំ២០២៤...
25/Nov/2024
News Image
អបអរសាទរ សាកលវិទ្យាល័យ ប៊ែលធី អន្តរជាតិ ទទួលបានសិទ្ធិធ្វើជាម្ចាស់ផ្ទះ(...
21/Nov/2024
News Image
បអរសាទរ កម្មវិធីការពារបញ្ចប់បរិមាធិប្បាយថ្នាក់បណ្ឌិត (Final Defense of...
08/Nov/2024
វីឌីអូសំខាន់ៗ

សាកលវិទ្យាល័យ​ ប៊ែលធី អន្តរជាតិ មានកម្មវិធីសិក្សាធំៗ ៥ គឺ ១- ថ្នាក់បំប៉នអង់គ្លេស និងកុំព្យូទ័រ | ២- ថ្នាក់បរិញ្ញាបត្ររង | ៣- ថ្នាក់បរិញ្ញាបត្រ | ៤- ថ្នាក់បរិញ្ញាបត្រជាន់ខ្ពស់ | ៥- ថ្នាក់បណ្ឌិត