អបអរសាទរ! កម្មវិធីប្រកួតជជែកដេញដោល រដូវកាលទី៥ ឆ្នាំ២០២៦ សម្រាប់សិស្សចំណេះទូទៅថ្នាក់ទី៦ ទី៨ ទី១០ និងទី១១ នៃសាលា ប៊ែលធី អន្តរជាតិ វគ្គផ្តាច់ព្រ័ត្រ
===================
សាលា ប៊ែលធី អន្តរជាតិ បានរៀបចំកម្មវិធីប្រកួតជជែកដេញដោល រដូវកាលទី៥ ឆ្នាំ២០២៦ វគ្គផ្តាច់ព្រ័ត្រ សម្រាប់សិស្សចំណេះទូទៅថ្នាក់ថ្នាក់ទី៦ ទី៨ ទី១០ និងទី១១ នៃសាលា ប៊ែលធី អន្តរជាតិ ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា។

កម្មវិធីនេះធ្វើឡើងក្នុងគោលបំណង៖
១-ពង្រឹងសមត្ថភាព និងជំនាញនៃការត្រិះរិះពិចារណា ការគិតវិភាគ និងការដោះស្រាយបញ្ហាតាមរយៈការជជែកដេញដោលលើប្រធានបទផ្សេងៗ
២-កសាងសមត្ថភាពសិស្សានុសិស្សឱ្យមានភាពក្លាហាន ភាពឈ្លាសវៃ និងទំនុកចិត្តក្នុងការបញ្ចេញមតិជាសាធារណៈ
៣-បណ្តុះសមត្ថភាពក្នុងការស្រាវជ្រាវ ការរៀបចំគំនិត ការប្រើប្រាស់ហេតុផល និងការបង្ហាញអំណះអំណាងប្រកបដោយភាពប្រាកដប្រជា
៤-បង្កើនសមត្ថភាពសិស្សានុសិស្សក្នុងការស្តាប់ គោរព និងទទួលយកមតិយោបល់ពីអ្នកដទៃ
៥-ពង្រឹងស្មារតីធ្វើការជាក្រុម ភាពជាអ្នកដឹកនាំ និងការទទួលខុសត្រូវក្នុងការបំពេញតួនាទីរបស់ខ្លួន
៦-ផ្តល់ឱកាសដល់សិស្សានុសិស្សក្នុងការបង្ហាញសមត្ថភាព ទេពកោសល្យ និងសក្តានុពលរបស់ខ្លួនជាសាធារណៈ។

កម្មវិធីប្រកួតនេះប្រព្រឹត្តទៅ នាថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ នៅសាលសន្និសីទ នៃសាកលវិទ្យាយល័យ ប៊ែលធី អន្តរជាតិទីតាំងទី២(ស្ពានអាកាសចោមចៅ)។