សាលា ប៊ែលធី អន្ដរជាតិ បានរៀបចំកម្មវិធីប្រកួតប្រជែងនិយាយភាសាអង់គ្លេស លើកទី២១ វគ្គផ្ដាច់ព្រ័ត្រ កម្រិតប៊ែលធី សម្រាប់សិស្សានុសិស្សកម្រិតទី៣ ទី៦ ទី៩ និងទី១២ ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា។ កម្មវិធីនេះបានប្រព្រឹត្តទៅ នាព្រឹកថ្ងៃព្រហស្បតិ៍  ៩កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥ នៅសាលសហសិក្សា នៃសាលា ប៊ែលធី អន្ដរជាតិទី៩ (សាខាស្ទឹងមានជ័យ)​។

កម្មវិធីនេះធ្វើឡើងក្នុងគោលបំណងធ្វើយ៉ាងណាឱ្យសិស្សានុសិស្សមានភាពស្ទាត់ជំនាញក្នុងការនិយាយទៅកាន់ដៃគូនៅទីសាធារណៈ និងចេះបត់បែនតាមកាលៈទេសៈដែលពួកគេជួបប្រទះ ធ្វើឱ្យសិស្សានុសិស្សចេះស្រាវជ្រាវរកចំណេះដឹងថ្មីៗ មានភាពក្លាហាន ហ៊ានថា ហ៊ានធ្វើ និងហ៊ានទទួលខុសត្រូវផងដែរ។