គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពរបស់ខ្លួនឯង
             …………………………………
កម្មវិធីប្រកួតប្រជែងសំណេរភាសាខ្មែរ វគ្គផ្តាច់ព្រ័ត្រ លើកទី១០ ឆ្នាំ២០២៦ សម្រាប់សិស្សានុសិស្សថ្នាក់ទី៤ ទី៧ និងទី១០
===================
សាលា ប៊ែលធី អន្តរជាតិ បានរៀបចំកម្មវិធីប្រកួតប្រជែងសំណេរភាសាខ្មែរ វគ្គផ្តាច់ព្រ័ត្រ លើកទី១០ ឆ្នាំ២០២៦ សម្រាប់សិស្សថ្នាក់ទី៤ ទី៧ និងទី១០ ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា។

កម្មវិធីនេះបានប្រព្រឹត្ត នារសៀលថ្ងៃចន្ទ ១៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែមិថុនា ឆ្នាំ២០២៦ នៅសាលា ប៊ែលធី អន្ដរជាតិទី៩ (សាខាស្ទឹងមានជ័យ)។ 

កម្មវិធីនេះធ្វើឡើងក្នុងគោលបំណង៖
១-លើកកម្ពស់ការប្រើប្រាស់ភាសាខ្មែរឱ្យបានត្រឹមត្រូវ ស្របតាមក្បួនវេយ្យាករណ៍ និងអក្ខរាវិរុទ្ធ។
២-ជំរុញសិស្សានុសិស្សឱ្យស្រឡាញ់ អភិរក្ស និងលើកតម្កើងភាសាជាតិ ដែលជាអត្តសញ្ញាណដ៏មានតម្លៃរបស់ប្រជាជនខ្មែរ។
៣-អភិវឌ្ឍសមត្ថភាពក្នុងការតែងនិពន្ធ ការគិតវិភាគ ការស្រាវជ្រាវ និងការបញ្ចេញមតិយ៉ាងមានហេតុផលតាមរយៈការសរសេរ។
៤-បណ្តុះទម្លាប់អាន សរសេរ និងសិក្សាស្វែងយល់ពីអក្សរសិល្ប៍ និងវប្បធម៌ខ្មែរ។
៥-បង្កើនទំនុកចិត្ត និងជំនាញទំនាក់ទំនងជាលាយលក្ខណ៍អក្សរ ដើម្បីត្រៀមខ្លួនសម្រាប់ការសិក្សា និងការងារនាពេលអនាគត។
៦-បង្កើតបរិយាកាសប្រកួតប្រជែងប្រកបដោយភាពច្នៃប្រតិដ្ឋ យុត្តិធម៌ និងលើកទឹកចិត្តឱ្យសិស្សានុសិស្សបន្តអភិវឌ្ឍសមត្ថភាពផ្នែកភាសាខ្មែរ។