សាលា ប៊ែលធី អន្តរជាតិបានរៀបចំ "កម្មវិធីប្រកួតជជែកដេញដោល ផ្នែកភាសាអង់គ្លេសទូទៅ រដូវកាលទី៣" វគ្គផ្តាច់ព្រ័ត្រ ឆ្នាំ២០២៥ សម្រាប់សិស្សានុសិស្សកម្រិតទី៩ & ១០ និងកម្រិតទី១១ & ១២ នៃសាលា ប៊ែលធី អន្តរជាតិ ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា។

កម្មវិធីប្រកួតនេះបានប្រព្រឹត្តទៅ នារសៀលថ្ងៃសុក្រ ២កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមិថុនា ឆ្នាំ២០២៥ នៅសាលសន្និសីទ នៃសាកលវិទ្យាល័យ ប៊ែលធី អន្តរជាតិទីតាំងទី២ (ស្ពានអាកាសចោមចៅ)។

🌟ការប្រកួតមានចំនួន ២ប្រធានបទដូចខាងក្រោម៖
📌ប្រធានបទសម្រាប់កម្រិតទី៩ & ១០៖ "ការចូលរួមការប្រើប្រាស់ប្រាក់រៀលរបស់ប្រជាពលរដ្ឋ គឺជាកត្តាអាទិភាពលើកកម្ពស់ស្ថេរភាពហិរញ្ញវត្ថុនៅកម្ពុជា" 
-ក្រុមស្រប៖ សាលា ប៊ែលធី អន្តរជាតិទី២១ (សាខាផ្សារឈូកមាស)
-ក្រុមបដិសេធ៖ សាលា ប៊ែលធី អន្តរជាតិទី១៨ (សាខាផ្សារព្រែកឯង)

📌ប្រធានបទសម្រាប់កម្រិតទី១១ & ១២៖ "ការកំណត់អាយុក្នុងការសេពគ្រឿងស្រវឹង គឺជាជម្រើសដ៏ល្អបំផុតក្នុងការធានាសុខុមាលភាពយុវជននៅកម្ពុជា" 
- ក្រុមស្រប៖ សាលា ប៊ែលធី អន្តរជាតិទី១០ (សាខាអាងទឹកអូឡាំពិក)
- ក្រុមបដិសេធ៖ សាលា ប៊ែលធី អន្តរជាតិទី៥ (សាខាច្បារអំពៅ)

កម្មវិធីនេះធ្វើឡើងក្នុងគោលបំណងពង្រឹងសមត្ថភាព ជំនាញនៃការត្រិះរិះពិចារណាតាមរយៈការជជែកដេញដោលក្នុងការចូលរួមចំណែកដោះស្រាយបញ្ហាផ្សេងៗដែលពួកគេបានជួបប្រទះ ព្រមទាំងកសាងសមត្ថភាពសិស្សឱ្យមានភាពក្លាហានប្រកបដោយភាពឈ្លាសវៃក្នុងការបញ្ចេញមតិ និងផ្តល់ឱកាសដល់សិស្សានុសិស្សក្នុងការបញ្ចេញគំនិតយោបល់បង្ហាញសមត្ថភាព និងទេពកោសល្យជាសាធារណៈ។