ប៊ែលធី គ្រុប បានរៀបចំសិក្ខាសាលា (On the job training) ស្តីពី “តួនាទី ភារកិច្ច និងទំនួលខុសត្រូវ ផ្នែកបដិសណ្ឋារកិច្ច និងការផ្តល់សេវាកម្មល្អដល់អតិថិជន” ដែលរៀបចំឡើងដោយ ការិយាល័យគណនេយ្យ នៃប៊ែលធី គ្រុប ជូនដល់នាយិការងសាខា(DA) បុគ្គលិកផ្នែកបដិសណ្ឋារកិច្ច និងជំនួយការទីចាត់ការ នៃសាលា-សាកលវិទ្យាល័យ ប៊ែលធី អន្តរជាតិ ដោយមានការអញ្ជើញចូលរួមធ្វើបទបង្ហាញចែករំលែកចំណេះដឹង និងបទពិសោធន៍ពីវាគ្មិនកិត្តិយស ចំនួន ៤រូប  ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត លី ឆេង តំណាងរាស្រ្តមណ្ឌលរាជធានីភ្នំពេញ ស្ថាបនិក-អគ្គនាយក ប៊ែលធី គ្រុប និងជាប្រធានក្រុមប្រឹក្សាភិបាល នៃសាកលវិទ្យាល័យ ប៊ែលធី អន្តរជាតិ។

ក្នុងសិក្ខាសាលានេះ ក៏មានការអញ្ជើញចូលរួមពីសំណាក់ លោកជំទាវ លី ធីតា អគ្គនាយិការង ប៊ែលធី គ្រុប និងជាប្រធានការិយាល័យគណនេយ្យ នៃប៊ែលធី គ្រុប ប្រធាន-អនុប្រធានការិយាល័យគណនេយ្យ នាយិការងសាខា (DA) បុគ្គលិកផ្នែកបដិសណ្ឋារកិច្ច និងជំនួយការទីចាត់ការ នៃសាលា-សាកលវិទ្យាល័យ ប៊ែលធី អន្តរជាតិ ចំនួន ២៤៣នាក់ ផងដែរ។ 

សិក្ខាសាលានេះ រៀបចំឡើងក្នុងគោលបំណង៖
១- លើកកម្ពស់ការយល់ដឹងជូនដល់នាយិការងសាខា (DA) បុគ្គលិកផ្នែកបដិសណ្ឋារកិច្ច និងជំនួយការការិយាល័យទាំងអស់
២- បានសិក្សាឈ្វេងយល់អំពី តួនាទី ភារកិច្ច និងទំនួលខុសត្រូវរបស់ខ្លួន និងបានស្គាល់ច្បាស់ពីអតិថិជនរបស់ខ្លួន
៣- យល់ដឹងអំពីជំនាញវិជ្ជាជីវៈផ្នែកបដិសណ្ឋារកិច្ច
៤- អនុវត្តស្តង់ដារនៃការផ្តល់សេវាកម្មល្អជូនដល់អតិថិជនទូទៅ
៥- ផ្តល់សេវាកម្មល្អជូនដល់មាតាបិតាអ្នកអាណាព្យាបាល និងសិស្ស-និស្សិតទាំងអស់ ដែលអញ្ជើញមកសាកសួរព័ត៌មាន
៦- ផ្តល់សេវាកម្មល្អជូនដល់អ្នកដែលមានបំណងមកចុះឈ្មោះចូលរៀននៅ សាលា ប៊ែលធី អន្តរជាតិ និងសាកលវិទ្យាល័យ ប៊ែលធី អន្តរជាតិ។

សិក្ខាសាលាដ៏មានសារៈសំខាន់នេះ បានប្រព្រឹត្តទៅនាថ្ងៃអាទិត្យ ៧រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែមិថុនា ឆ្នាំ២០២៦ នៅស្នាក់ការកណ្តាល ប៊ែលធី គ្រុប៕